News News

​በቴክኖሎጂ የተደገፈ የእንስሳት ሀብት ልማት ፕሮጀክት በኦሮሚያ ክልል ተጀመረ።

በቴክኖሎጂ የተደገፈ የእንስሳት ሀብት ልማት ፕሮጀክት በኦሮሚያ ክልል ተጀመረ።
በቴክኖሎጂ የተደገፈ የእንስሳት ሃብት ልማቱ በአካባቢው ያለውን የወተት ምርት በ6 እጥፍ የስጋ ምርትን ደግሞ በ2 እጥፍ እንደሚያሳድገው በጥናት ተረጋግጧል።
ፕሮጀክቱ በኢኖቬሽንና ቴክኖሎጂ ሚኒስቴር፣ በኦሮምያ ክልል መንግስትና በክልሉ ባሉ 4 ዩንቨርስቲዎች ትብብር ነው ተግባራዊ እየተደረገ ያለው፡፡
ፕሮጀክቱ የእንስሳት ዝርያን ማሻሻል÷ ለስጋና ለወተት ምርት የሚሆን መኖ አዘገጃጀት÷ የእንስሳት ጤና አጠባበቅ÷ በቴክኖሎጂ የተደገፈ የእንስሳት አረባብ እና የገበያ ትስስርን የሚያካትት ነው።
ፕሮጀክቱን ለማስጀመር በኦሮምያ ክልል መቱ ከተማ የእንስሳት ሀብትን በቴክኖሎጂ የማዘመን ስራን የተመለከተ ውይይት ከአካባቢው አርሶ አደሮች÷ አባ ገዳዎችና ከሚመለከታቸው አካላት ጋር ተደርጓል፡፡
የኢኖቬሽንና ቴክኖሎጂ ሚኒስትር ድኤታ ጀማል በከር የእንስሳት ሀብትን በቴክኖሎጂ ለማዘመን በየክልሉ ከሚገኙ ዩንቨርስቲዎች ጋር በመተባበር እየሰሩ መሆናቸውን ተናግረዋል።
ዋነኛ የኢትዮጵያ ኢኮኖሚ ምንጭ የሆነውን ግብርና ለማዘመን በየአካባቢው ከሚገኙ አርሶ አደሮች ጋር ተቀራርቦ በመስራት በዘርፉ ተጠቃሚ ለመሆን እየተሰራ መሆኑንም ጠቁመዋል፡፡
የአካባቢው ነዋሪዎች ለዚህ ስራ ስኬትና ተጠቃሚነት ትብብር እንዲያደርጉም ጠይቃዋል፡፡
የአካባቢው አባ ገዳዎች ፕሮጀክቱ ወደ አካባቢያቸው በመምጣጡ መደሰታቸውን ተናግረው ህብረተሰቡን አነቃንቀው ወደ ስራ እንደሚገቡ ተናግረዋል።
በቴክኖሎጂ የተደገፈ የእንስሳት ሃብት ልማት በክልሉ 7 ዞኖች ተግባራዊ የሚደረግ ሲሆን መቱ÷ ጅማ÷ ወለጋ እና አምቦ ዩኒቨርሲዎች ፕሮጀክቱን ለመጀመር የሚያስችላቸውን ስምምነት ተፈራርመው ወደ ስራ ገብተዋል።
በቴክኖሎጂ የተደገፈ የእንስሳት ሃብት ልማቱ በአካባቢው ያለውን የወተት ምርት በ6 እጥፍ የስጋ ምርትን ደግሞ በ2 እጥፍ እንደሚያሳድገው በጥናት ተረጋግጧል።

Archive news Archive news