ኢትዮጵያውያን የቴክኖሎጂ አበልፃጊዎች ዓለም አቀፍ ውድድሮችን በማሸነፍ እስከ 2.5ሚሊየን ዶላር ፕሮጀክት ማሸነፍ ችለዋል።

በአለም አቀር ውድድሮች ተወዳድረው በማሸነፍ እስከ 2.5 ሚሊየን ዶላር ያገኙ ወጣት የቴክኖሎጂ ፈጠራ ባለሙያዎች እውቅናና ሽልማት ተሰጥቷቸዋል።

የኢኖቬሽንና ቴክኖሎጂ ሚኒስቴር ከኮሪያ ዓለም አቀፍ ትብብር ኤጀንሲ ጋር በመተባበር ነው ለ15 የቴክኖሎጂ ፈጠራ ባለሙያዎችና ጀማሪ የቴክኖሎጂ ድርጅቶች ሽልማት የሰጠው።

መድረኩ የቴክኖሎጂ አፍላቂዎች እና ጀማሪ የቴክኖሎጂ ድርጅቶች የእርስ በርስ ትስስር እንዲፈጥሩ ታልሞ የተዘጋጀ ሲሆን ከፍተኛ ውጤት ላስመዘገቡ አሸናፊዎች ከኮሪያ ዓለም አቀፍ የትብብር ኤጀንሲ የምስክር ወረቀት እና የገንዘብ ሽልማት ተሰጥቷል።

የኢኖቬሽንና ቴክኖሎጂ ሚኒስትር ዲኤታ ባይሳ በዳዳ ( ፒ ኤች ዲ) ጀማሪ የቴክኖሎጂ ድርጅቶቹ የኢትዮጵያን የቴክኖሎጂ እድገት ለማፋጠን አቅም የሚፈጥሩ መሆናቸውን ተናግረዋል። የኮርያ አለም አቀፍ ትብብር ኤጀንሲ እያደረገ ላለው ድጋፍ ምስጋናቸውን ያቀረቡት ሚኒስትር ዴኤታው መንግስት ጀማሪ የቴክኖሎጂ ድርጅቶች የሚደገፉበትን ስርዓት ለመዘርጋት እየሰራ መሆኑን አብራርተዋል።

በኢትዮጵያ የኮሪያ ዓለም አቀፍ ትብብር ኤጀንሲ ዳይሬክተር ሊ ቢዮንግ ኋ ኢትዮጵያ ለኢኖቬሽን ዘርፍ ስራ ፈጠራ ምቹ ሁኔታ ለመፍጠር የምታደርገውን ጥረት ኢጀንሲው እንደሚደግፍ ተናግረዋል። ከአይ ሲ ቲ፣ ከግብርና፣ ከማምረቻ ዘርፍ፣ ከቱሪዝም፣ ከማዕድን እና ከዲጂታል ዘርፎች የተውጣጡ 15 የቴክኖሎጂ አበልፃጊ ተሸላሚዎች በንግድ እና ቴክኒካል ጉዳይ ስልጠና ሲሰጣቸው ቆይቷል።

በስድስት ወራት በተሰጣቸው ድጋፍና ስልጠና መሰረት አለም አቀፍ ፕሮጀክቶችን ተወዳድረው በማሸነፍ ከ25 ሺህ እስከ 2.5 ሚልየን ዶላር ፕሮጀክች ፈንድ ማሸነፍ ችለዋል።በስድስት ወራት በተደረገላቸው እገዛና ድጋፍ ባስገኙት ውጤትም ተመዝነው እስከ 200 በላይ የስራ እድሎች ለፈጠሩና ከ100,000 እስከ 500,000ብር ሀብት ማፍራት የቻሉ አምስት ድርጅቶች ከ1500 እስከ 3000 ዶላር ተሸልመዋል።

ይህንን ልጥፍ ያጋሩ

Share on twitter
Share on linkedin
Share on facebook