የሳይንስ ቴክኖሎጂ እና ኢኖቬሽን ቴክኖሎጂ አውደ ርዕይና የፓናል ውይይት በባህርዳር ከተማ ተከፈተ

በኢኖቬሽንና ቴክኖሎጂ ሚኒስቴር ድጋፍ በተቋቋመው የባህርዳር የሳይንስ ካፌ ለሁለት ቀናት የሚቆይ በተባበሩት መንግስታት የልማት ድርጅት የተዘጋጀ የፓናል ውይይትና አውደ ርዕይ ተከፈተ።

አውደ ርዕዩን የኢኖቬሽንና ቴከኖሎጂ ሚኒስቴር ሚኒስትር በለጠ ሞላ (ፒ ኤች ዲ) በንግግር ከፍተውታል።

ክቡር ሚንስትሩ በንግግራቸው ሚኒስቴር መስሪያቤቱ በቴክኖሎጂና በኢኖቬሽን ስራንና ሀብትን ለመፍጠር የምትመች ሀገር የመገንባት ርዕይ በመሰነቅ፣ የሀገራችንን የዲጂታል ኢኮኖሚ የሚገነባበትን፤ ከባቢያዊ ስርዓት መፍጠር፣ የቴክኖሎጂ ኢንዱስትሪ ልማት ተወዳዳሪነት ለማሳደግ የሚያስችል አቅም መገንባት እና ኢኖቬሽን፣ ቴክኖሎጂ እና ምርምር ለስራና ሀብት ፈጠራ አበርክቶ እንዲኖራቸው የማድረግ ተልዕኮን ለመወጣት እየሰራ ይገኛል ብለዋል።

በሳይንስ፣ በኢኖቬሽንና ቴክኖሎጂ ተጠቃሚነት እና ሁሉን አቀፍ ኢኮኖሚያዊ ዕድገት እንዲኖር፤ ቴክኖሎጂዎችን በፍጥነት የመማር፣ የማላመድና የመጠቀም ሀገራዊ አቅም እንዲያድግ በኢንዱስትሪዎች፣ በከፍተኛ የምርምርና የትምህርት ተቋማት ከሚደረገው ከፍተኛ ጥረት በተጨማሪ በህብረተሰቡ በሳይንስና ቴክኖሎጂ፣ ኢኖቬሽን ያለው ግንዛቤ ለማሳደግ በትኩረት  መስራት ይገባል፡፡

በሀገራችን ቀጣይነት ያለው ልማት ለማረጋገጥ በኢኖቬሽንና ቴክኖሎጂ ዕውቀት የተደገፉ አምራች እና ሳይንሳዊ አስተሳሰብ ያለው ዜጋ መፍጠር እጅግ መሰረታዊ ጉዳይ ነው ያሉት ዶክተር በለጠ የሳይንስ፣ ቴክኖሎጂና ኢኖቬሽን ግንዛቤና ባሕል በሕብረተሰቡ ውስጥ እንዲዳብር  የሳይንስ ካፌዎች ሚና ከፍተኛ ነው።

የሳይንስ ካፌዎች ከመደበኛ የትህምህርት ስርዓቱ እና ከተለመደው የማስተማር ዘይቤ በተለየ መልኩ ህብረተሰቡን በሳይንስ፣ ቴክኖሎጂ እና ኢኖቬሽን ጉዳዮች ላይ በኢ-መደበኛ ስርዓት ግንዛቤውን እንዲያዳብር የሚሰራባቸው፣ ለወጣቱ በርካታ ሥልጠናዎች የሚሰጡባቸው፤ የስራ ፈጠራ ሃሳብ የሚጠነሰሱባቸው፣ ማንበቢያና የፈጠራ ሃሳብ የሚዳብሩበት እንዲሁም የፈጠራ ባሕል ማጎልበቻ ማዕከላት ናቸው ብለዋል።

ስለሆነም ማዕከላቱ ከትምህርት፣ ከምርምር እና ከቴክኖሎጂ ዘርፍ ተቋማት ጋር በቅርበት እንዲሰሩ ለማድረግ መሰል መድረኮች ተጠናክረው መቀጠል አለባቸው ሲሉ አሳስበዋል።

የአማራ ሳይንስና ቴክኖሎጂ ኮሚሽን ከሚኒስቴር መ/ቤታችን ጋር በትብብር እና በቅርበት በመስራት ባላፈ፤ ይህን ማዕከል እንደ ሞዴል በመውሰድ በጎንደር፣ ደሴ እና ደብረብርሃን ከተሞች በማስፋት እና ሥራ በመጀመር ላይ የሚገኝ መሆኑንም አመስግነው  በቀጣይ እነዚህን ማዕከላት ለታለመላቸው ዓላማ እንዲውሉ አስፈላጊው ጥረት እንዲደረግ አሳስበዋል።

UNDP በኢኖቬሽን ለልማት ፕሮግራሙ ከሚኒስቴር መ/ቤቱ ጋራ በቅርበት፣ በትብብር እየሰራ እንደሚገኝ ያወሱት ክቡር ሚኒስትሩ በርካታ የአቅም ግንባታ ሥራዎችን ያከናወን፤ የተጠናከረ የኢኖቬሽን ስርዓት እናዲኖር አሰራሮች እና የሕግ ማዕቀፎች እንዲቀረጹ፤ ስታርታፖች የፋይናንስ ድጋፍ እንዲያገኙ ላደረገው ድጋፍ ምስጋና አቅርበዋል።

የኢኖቬሽንና ቴክኖሎጂ ዓውደ-ርዕዩ በፖሊሲዎች እና ስትራቴጂዎች ላይ ውይይት፣  ኢግዚሂቢሽን፣ የኢኖቬሽን ሥነ-ምህዳር ስልጠና እና የፓናል ውይይቶች  የሚደረጉበት ነው።

በአውደ ርዕዩ ከ2007 እስከ 2014 የተሰሩ የፈጠራ ስራዎች ቀርበው ተጎብኝተዋል።

ይህንን ልጥፍ ያጋሩ

Share on twitter
Share on linkedin
Share on facebook