19ኛው “የኢኖቬሽን አፍሪካ ዲጂታል ጉባኤ” በአዲስ አበባ እየተካሄደ ነው።

ጉባኤው የዲጂታል ይዘትና አገልግሎት ላይ ትኩረቱን አድርጎ ነው እየተካሄደ ያለው።

የኢኖቬሽንና ቴክኖሎጂ ሚኒስትር ዴኤታ ሁሪያ አሊ እንደ ኢትዮጵያ ባሉ የባህልና የቋንቋ ብዝሃነት ያላቸው ሀገራት የዲጂታል ይዘቶችና አገልግሎት ለህብረተሰቡ ተደራሽ በማድረግ የዲጂታል አካታችነትን ማረጋገጥ ይገባል ብለዋል።

ኢትዮጵያም በዲጂታል 2025 ስትራቲጂዋ ላይ አካባቢያዊ የዲጂታል ይዘት እና አገልግሎትን አካትታ እየሰራች ነው ያሉት ሚኒስትት ዴኤታዋ የሀገር ውስጥ የይዘት አቅራቢዎች፣ የቴሌኮም ኦፕሬተሮች እና የአለም አቀፍ የዘርፉ ተዋናዮች የዲጂታል ይዘቶችን ዘላቂነት በማረጋገጥ የማይተካ ሚናቸውን መጫወት እንዳለባቸው ተናግረዋል።

የኢትዮጵያ ኮሙኒኬሽን ባለስጣን ዋና ዳይሬክተር ባልቻ ሬባ (ኢንጂ.) የኢትዮጵያን የዲጂታል ጉዞ ከግብ ለማድረስ መንግስት በትኩረት እየሰራ መሆኑን ተናግረዋል።

ኢትዮ ቴሌኮም የ5ኛ ትውልድ የኢንተርኔት አገልግሎት ጅማሮ የዲጂታል አገልግሎት ተደራሽነትን ለማስፋት ትልቅ አቅም እንደሚፈጥርም አብራርተዋል። በኢትዮጵያ ለ6ኛ ጊዜ በሚካሄደው 19ኛው የዲጂታል አፍሪካ ጉባኤ ላይ ከ 30 በላይ ሀገራት የዘርፉ ኃላፊዎችና ባለሙያዎች እንዲሁም ካምፓኒዎች እና የቴሌኮም አገልግሎት ሰጪዎች እየተሳተፉ ነው።

ይህንን ልጥፍ ያጋሩ

Share on twitter
Share on linkedin
Share on facebook