ስኬቶች

ኢትዮጵያን ዲጂታላይዝ ማድረግ

የኤሌክትሮኒክ ትራንዛክሽን አዋጅ፣ የብሔራዊ ድጅታል ስትራቴጂ መዘጋጀቱ፣

ሚኒስቴሩ የአፍሪካ አህጉር ነፃ የንግድ ቀጠናን ለመፍጠር የሚደረገውን ጥረት የሚያግዝ ዲጂታል መታወቂያ ለማዘጋጀት እየሰራ ይገኛል፡፡ በስርዓቱ ውስጥ የወሳኝ ኩነቶች ምዝገባ እና የፋይናንስ ስርዓትን በሙሉ አካቶ የሚይዝም ጭምር ነው፡፡

ኢ-ኮሜርስ

ዓለም በኢንተርኔት ገበያ ውስጥ ከፍተኛ ገንዘብ በሚያንቀሳቅስበት በአሁኑ ወቅት አፍሪካ ውስጥ በዚህ ዘርፍ እምብዛም እንቅስቃሴ አይደረግም፡፡ የኢንተርኔት ገበያውን ለመቀላቀልና የግብይት ስርዓቱን ቀልጣፋ ለማድረግ ኢትዮጵያ ውስጥ የምስራቅ አፍሪካ የኢ-ኮሜርስ ማዕከል ለመግንባት ታቅዷል፡፡ ኢትዮጵያ የግብይቱ መተላለፊያ ኮሪደር ሆና የምታገለግል ሲሆን ስርዓቱ ወደ ስራ ሲገባ ለ100ሺዎች የሥራ እድል እንደሚፈጥርና በኢትዮጵያ ውስጥ ከፍተኛ የገንዘብ ፍሰት እንዲኖር ያስችላል፡፡

የተቀናጀ ዲጂታል የህክምና አስተዳደር አገልግሎት

ሚኒስቴሩ በጥቁር አንበሳ ሆስፒታል የዘረጋውን የተቀናጀ ዲጂታል የህክምና አስተዳደር አገልግሎት አስመርቆ ለሆስፒታሉ አስረከቧል፡፡ ስርዓቱ የታካሚዎችን እንግልት በማስቀረት የሃኪሞችን ድካም ለመቀነስ ከፍተኛ አስተዋፅኦ ያለው ነው፡፡ አገልግሎቱ ሃኪሞች የታካሚዎቻቸውን መረጃ ለመፃፍ በእጅ ፅሁፍ መልክ የሚፅፉበት በሀገራችን ወጣት ባለሙያዎች ዲዛይን በተደረገ ታብሌት ታግዞ ስራ ላይ ይውላል፡፡

በሬን የሚተካ ዘመናዊ ማረሻ

በኢትዮጵያውያን ባለሙያዎች ዲዛይን ተደርጎ የተሰራውና በእጅ የሚገፋ ዘመናዊ ማረሻ በሙከራ ደረጃ ላይ ይገኛል፡፡  "በሬ ለምኔ" የሚል መጠሪያ የተሰጠው ማረሻው የአርሶ አደሮችን ድካም በመቀነስ እርሻቸውን ለማቀላጠፍ ከማስቻሉ በተጨማሪ አርሶ አደሮች ለእርሻ የሚጠቀሙባቸውን በሬዎች በማድለብ ወደ ስጋ ገበያ በመቀየር ገቢያቸው እንዲጨምር ያግዛል።

ሰው አልባ አውሮፕላን (ድሮን)

በሀገራችን ገጠራማ አካባቢዎች እስከ 5 ኪ.ግ የሚደርሱ መድሃኒቶችን ለማጓጓዝና ለማድረስ የሚያስችል ሰው አልባ አውሮፕላን ተሰርቶ የተሳካ ሙከራ ተደርጓል፡፡ በ5ሺ ሜትር ከፍታ 120 ኪ.ሜ በሰዓት የመብረር አቅም ያላት አውሮፕላኗ ደርሶ መልስ 300 ኪሜ ርቀትን ትሸፍናለች። የትራንስፖርት እጥረት ባለባቸው አስቸጋሪ ቦታዎች የህክምና ቁሳቁሶችን ለማድረስ ታስባ የተሰራች ናት፡፡

ክላውድ ኮምፒውቲንግ

ልዩ ልዩ መረጃዎች የሚከማቹበት ቦታ እና የኮምፒውተር ንብረቶችን መገናኘት የሚችሉበት የደንበኝነት ምዝገባ ላይ የተመሠረተ አገልግሎት ነው፡፡ የኢኖቬሽንና ቴክኖሎጂ ሚኒስቴር በዳመና ማስላት ቴክኖሎጂ ተግባራዊ በማድረግ የተለያዩ የሳይንስ ተቋማትን በማስተሳሰር ቀደም ሲል የነበረውን ኋላ ቀር አሰራር ለማስቀረት መረጃን ከአንድ የመረጃ መረብ ክምችት በመጠቀም የነበሩትን ውጣ ውረዶችና ችግሮች ማስቀረትና የተቀላጠፈ ስራን በመስራት ከጊዜው ጋር እንዲጓዝ የሚያስችለውን ቴክኖሎጂ ተግባራዊ ማድረግ ነው፡፡

የኢኖቬሽንና ቴክኖሎጂ ኢግዚቢሽን/ትዕይንተ ማዕከል

የኢኖቬሽንና ቴክኖሎጂ ሚኒስቴር በሀገራችን ለመጀመሪያ ጊዜ በሚኒስቴር መስሪያቤቱ የራሱን እንቅስቃሴዎችና ዓለም ዓቀፍ ጥዕይንቶንን የሚሳይበት በዘመናዊ ቴክኖሎጂዎች የበለጸገ የኢግዚቢሽን ማዕከል በመገንባት ዓለም የደረሰችበት የቴክኖሎጂ ገጸበረከትን ለእንግዶች ሁሉ በማስጎብኘት ላይ ይገኛል፡፡ የኢኖቬሽና ቴክኖሎጂ ጉዟችን በማዕከሉ ውስጥ ለእይታ ወደ ቀረቡት ቴክኖሎጂዎች መሆን አለበት ብሎ እየሰራም ነው፡፡